Komunikazio alorreko helbideen gida
http://www.agendadelacomunicacion.com/
Hedabideen munduan lan egiten duten langileentzako webgune ezinhobea dugu hau. Bertan prentsa, publizitate, telebista, irrati eta komunikazio alorreko beste hainbat helbideen berri ematen da. Eskaintzen dituen beste zerbitzuen artean aurkitzen dira: prentsa agirien zerrenda eta hauek bertan helarazteko abagunea, lan eskaerak eta eskaintzak eta agenda de la comunicacion-ren eskutik enpresentzako web orrialdeak sortzeko aukera.
Webgune bakar batean munduko komunikabide guztien helbideak bildu ahal badira, webgune hori www.mediatico.com izango da. 6500 egunkari, 4500 irrati, 600 aldizkari eta ehunaka blog interesgarri bereganaturik, guztiak behar bezala sailkatuta, informazio iturri desberdinak eskuragarri izateko aukera paregabea eskaintzen digu; non eta norengandik informatuak izan nahi garen aukeratzeko.
Euskaldun profesionalentzako euskarazko albistegia
Berriak euskaraz jaso nahi dituzu? Informazio berria helarazi?zure iritzia kaleratu? Hori horrela baldin bada Sustatuk gauza guzti horiek egiteko aukera ematen dizu. Ekonomia, teknologia eta kulturaren inguruko gaietan zentratzen bada ere, bestelako azpigaiak ere jorratzen ditu: hedabideak, irakaskuntza edota ingurumena, esaterako. Beste hainbat eta hainbat webguneekin batera, sustatu euskal komunitatearen informazioa trinkotzeko saiakeraren ondorioa da
Munduko albisteen leihoa
Munduko berri esanguratsuenak aurkitzeko hedabide batetik bestera igaro beharrean,webgune honetan aurkituko dituzu beharrezkoa den guztia informazio mundialaren jabe izateko. Jorratzen dituen herrialde eta gaien aldetik oso webgune zabala dela esan dezakegu eta eduki testualak mordoak izanda ere, orrialdean lekua dago multimediarako : bideoak eta irratiak online entzun ez ezik Slideshows aukera sakatuz gero, eguneko albiste nagusienak argazkien bidez ikusteko aukera eskaintzen du.
Argazkien bilduma
AEAPAF-ren parte osatzen duen argazkien bilduma zabal honek, agentzia eta argazkilari hoberenen materiala erabiltzailearen esku uzten ditu, beti ere erabileraren helburua kontsultatu eta baieztatuz. Eskuragarri daude ere Royalty Free irudiak. Eskaintzen diren argazkiak oso erabilgarriak suerta daitezke edozein motatako lan idatziaren ilustrazio gisa. Izan ere, gai ezberdinetan espezializatutako agentzien zerbitzuak erabiltzen ditu, hara hor, espezializatutako The Bridgeman Art Library agentzia famatua.
The Inquirer
Kazetaritza munduan baliagarriak suerta daitezkeen teknologia eta informatikaren inguruko informazioak aurkitu ditzakegu web honetan. Berriak kategoria desberdinetan banatzen dira, kategoria horien artean aipagarriak Apple eta Linux enpresa multinazionalen inguruko informazioak. Nahi izan ez gero, erabiltzaileei iruzkinak uzteko aukera ematen zaie.
